Irailaren 20tik 23ra bitartean, zortzi musikari eta dantzari Bilbao Turismok eta Bizkaiko Foru Aldundiak antolatutako «Be basque» jaialdian parte hartzen izan ginen, bertako ekitaldi, hitzaldi eta kaleak koloreztatzeko gure dantza eta musikarekin. Unbox Bilbao-Bizkaia zen jaialdiaren gunea, eta kategoriako hiru musikari izan nituen bertan kide: Ruben Isasi trikitixarekin, Gaizka Andollo perkusioarekin eta Iker Lope de Bergara gitarra zein haizezkoekin. Dantzariak berriz, Katalin Zarate, Irene Gutierrez, Anartz Ormaza eta Julen Sagarminaga izan ziren.
Eskerrik asko erakundeei gure lanean konfiantza izateagatik, eta bereziki eskerrik asko musikari eta dantzari paregabeei!
