Gaur, apirilak 12 osteguna, “Euskara eta kultura” izenburupeko eta luxuzko solaskideak izan dituen mahai-inguru hau gidatzeko ohorea izan dut, Gure Esu Dagok antolatuta. Arratsaldeko 19:00etatik aurrera Galdakaoko Gandasegi ikastetxeko areto nagusian izan gara. Gustura aritu gara solasean, euskarak gure eguneroko erabakitzeko eskubidean duen lekuaz, erabakitzeak gure eguneroko kultura eta gizartean izan beharko lukeenaz eta abar. Asko ikasi dut Laura Mintegi idazle, irakasle eta politikari ohiarekin; Oihana Bartra irakasle eta bertsolariarekin; Manu Etxebarria etno-linguista eta euskaltzainarekin; eta Pako Revueltas aktorearekin. Eskerrik asko gonbidatuei eta bertaratutako pertsona guztiei!
