60 urte ez dira egunero betetzen, eta are gutxiago kulturaren inguruko elkarte batekin Euskal Herrian. Baina Galdakaoko Andra Mari Dantza Taldeak egin du dagoeneko ibilbide luzea eta horixe ospatzeko egutegi kultural oparoa eskainiko dugu taldearen 60. urteurrenaren bueltan. Galdakaoko Udalean eskaini genuen prentsaurrekoa. Irudian, ezkerretik eskuinera, Kepa Ajuria Andra Mari Dantza Taldeko presidentea, Ibon Uribe Galdakaoko alkatea eta ni neu, taldeko musikaria.
Jaialdiaren inguruko nondik norakoak www.60urte.com webgune berezian daude bilduta, baina laburtzearren, hauexek urria eta azaroan antolatutakoak:
Urriak 30 eta 31. Musika Bizian jaialdia.
Estaturik Gabeko Herrialdeen II. musika jaialdia Riobó (Galizia), Kepa Junkera & Zazpi Sorginak (Euskal Herria), Stetrice (Bretainia), Brian Finnegan (Ipar Irlanda) eta Gozategi (Euskal Herria) taldeekin, Galdakaoko Iturrondo plazan.
Azaroak 7. Benito Lertxundiren kontzertua.
Benito Lertxundiren kontzertua Galdakaoko Urreta Kiroldegian.
Azaroak 14. Iparraldeko kantarien emanaldia.
Jean Mixel Bedaxagar, Erramun Martikorena, Mikel Markez eta Ahire Ahizpak Galdakaoko Torrezabal Kultur Etxean.
Azaroak 21. Atzoko, gaurko eta biharko Andra Mari dantza jaialdia.
Belaunaldi guztietako dantzari eta musikariak batuko dituen jaialdia Galdakaoko Kurtzea frontoian.
Azaroak 22. Elizkizuna eta bazkaria.
Andra Mariko hildakoen oroimenezko elizkizuna ezpata dantza eta soka-dantzarekin eta bazkaria Aretxondo jatetxean.
